Para Sa'yo.. sana mabasa mo!
BABALA: Ang mga sumusunod na talata ay patungkol lamang sa isang tao, maaaring di para sa'yo masugid kong mambabasa. Nagtataglay ito ng mga pananalitang mapapait at ipagpaumanhin mo. Ngunit kung ikaw ang tinutukoy ko, husay mo talaga, pati blog ko alam mo! Para sa'yo, ika nga ni cokelover, Read at your own risk. Sabihin man ng ibang salat ang aking kaalaman para humusga, lahat ng mga ito'y batay sa mga pangayayaring pawang katotohanan lamang.Ang dami kong ginagawa dahil patapos na ang klase pero hindi ko mapigilang 'di magsalita at maglabas ng mga nararamdaman ko. Sayang man sa oras, wala na 'kong pakialam. Ni hindi ko akalaing magiging bahagi ka ng blog na 'to. Sisiguraduhin ko sa'yong di ko ito plinano. Sapat na ang isang "matalinong taong" nagkamaling magsulat tungkol sa'yo. Sa katunayan, wala kang karapatang maging paksa nito pero nakakapikon na talaga, nananadya ka ba?
Una, sa mga pinaggagagawa mo nitong mga nakaraang buwan naisip kong hindi man lamang sumagi sa isipan mo na may tahasang epekto sa ibang tao ang mga ginagawa mo. Respeto nalang sa isang kapwa babae. Ganun lang kasimple, pero 'di mo nabigay.
Ikalawa, kung tinitingnan mo ang 'yong sarili bilang isang "kaibigan", isang "malalim" at "tahimik" na tao ayon sa mga nakasalamuha mo (na hindi ko talaga pinaniniwalaan), susubukan mong magmumuni at pag-isipang maigi ang lahat ng mga desisyon mo. Pero masyado atang mataas ang tingin ng iba sa'yo, para sakin, hindi ka ganito.
Ikatlo, 'wag na 'wag mong iisipin kahit pabiro na magiging kaibigan kita. Una hindi magandang biro, ikalawa, no chance in hell. May latak na ang pagkatao mo sa paningin ko. Hindi mo ako masisisi.
Ikaapat, nananahimik na sana kame, lalu na 'ko (sa palagay ko), pero bakit parang lagi ka na lang nang-uudyok at para bang kumukuha ng atensyon. Binigay at ginugol na sana sayo ng isang "matalinong tao" ang ilang oras at panahon niya noon (na masakit talaga sa'kin). Pero 'di mo pinangalagaan, bagkus binalewala mo pa ata. Ngayong tinigilan na, hinahabol-habol mo naman? Ang gulo mo! Panindigan mo naman mga ginagawa mo at sinasabi mo.
Ikalima at panghuli, anong karapatan mong humingi ng isang "closure", ayon pa sa mga sarili mong pananalita? Bakit may namagitan ba sa inyo? Kung meron man, hindi ba "pagtatapos" na dapat ung mga nangyari kamakailan? Nadiskubre mo ng may mahal ka ng iba, gusto mo pa rin manatili ang parehong nibel ng "pagmamahal" at pagkalinga ng "matalinong tao" sa'yo. Pagiging makasarili ata ang pinaiiral mo. Binibini, papaalala ko sa'yong hindi araw-araw Pasko.
Maaring maawa at malungkot para sa'yo ang mga kaibigan mo sa trabaho. Maging ang "matalinong tao" naawa sa'yo. Hindi ko naman sila masisi kasi "kaibigan" mo sila. Pero ako, wala kang mahihita sakin kundi puot.
Good luck nalang sa'yo. Sana maging masaya ka!
HULING PAALALA: Ito na ang una at huli kong pagsusulat tungkol sa isyung ito. 'Di na kailanman mauulit. Salamat sa pagbabasa. Pasensya na at nabuhos ko ang galit at inis ko rito. Matapos mabasa ninyo ito, mas gagaan na ang pakiramdam ko.
posted by Silver @ 1:07 AM
0 comments
